Bertso zaharren xarma, egunera ekarrita
Unai eta Eñaut Agirre bertsolariek Zaldibiako baserri batean kantatutako bertso zaharrek sona handia hartu zuten bere garaian. Bertso zaharrak dira, baina xarma berezia mantentzen dute oraindik.
Lazkaomendiko paraje ederrean bizi da Eñaut Agirre hernaniarra. Bertsotarako afizioa betidanik izan du, baina batez ere, bertso zaharrak bildu eta kantatuz egin da ezagun. Unai anaiak eta biek Zaldibiako baserri batean kantatutako bertso hauek, oso ezagun egin ziren bere garaian. Goierriko Hitzak duela bi urte egindako elkarrizketan, bilketa lan horretaz eta garai bateko kanturako ohituraz aritu zen Eñaut: “Lehenago oso normala zen kalean etengabe kantatzea, tartean bertsoak zirela. Gaur egun ez zaigu hala iruditzen, baina giro hori bazegoen”.
