Legazpin azoka egin dute gaur goizean
Itxitako eremuan egin dute eta 13 postu egon dira
Legazpin azoka egin dute gaur goizean. Joan den astean azokak bertan behera utzi zituen Eusko Jaurlaritzak, eta hiru egun geroago debekua bertan behera utzi eta azokak irekitzeko baimena eman zuen. Erabaki hori ofizial egin zenean, udalak azoka antolatzea erabaki zuen. Azoka itxitako eremuan egin dute (Azoka izeneko gunean eta pilotalekuko arkupeetan), sarrera kontrolatuta eta segurtasun neurriak hartuta. Hamahiru postu egon dira eta herritar asko gerturatu dira erosketak egitera.
