Ataunen eta Lazkaon ere kalteak eragin ditu atzoko erauntsiak
Hainbat baserri bidetan eta Ataun eta Lazkao lotzen dituen oinezkoa bidean izan dira aipagarrienak.
Ataun eta Lazkao lotzen dituen oinezko bidea, Amebi parean. Zaldibian bakarrik ez, Ataun eta Lazkao aldean ere kalteak eragin ditu atzo iluntzean botatako erauntsiak. Ataungo Udalak adierazi duenez, hainbat baserri-bide hondatu ditu trumoi ekaitzak, tartean Bordazulo eta Iturtxo bidekoak. Lehen bide hori zabalik dago jada brigadako langileen eta makina baten lanari esker. “Datozen egunetan ikusiko dugu zenbaterainokoak izan diren kalteak, eta premiaren arabera erabakiko dugu nondik hasi konpontzen”, adierazi du udalak twitter bidez.
Ataun eta Lazkao lotzen dituen oinezko bidean ere sarraski handi samarra egin du erauntsiak, Amebi jatetxearen parean ateratako bideo honek erakusten duen moduan.
