Siosiua Moala errugbi jokalariak ez du Altamiran jokatzen jarraituko
Hurrengo denboraldian Siosiua Moala ez da Ampo Ordizian arituko, klubak aldaketa bat egitea beharrezkoa zela ikusi ondoren.
2017/2018 denboraldiaren amaieran, Agustin Coby Delle Donne ordezkatzeko hautatu zuten Siosiua Moala. Estreinatu zen urtean playofferako sailkatu zen Ampo Ordizia, eta hurrengo denboraldian, taldea finalerdietara iritsi zen. Lorpen horiek ehin batean Siosiuari esker eskuratu zirela azpimarratu du Altamirako taldeak. Hala ere, hurrengo denboraldian ez da Ordizian arituko: “Bi urte eta erdi pasa direnean, klubak erabaki du beharrezkoa dela aldaketa bat egitea, eta Sio ez da gurekin arituko hurrengo denboraldian”. Emazteari eskerrak emateko ere baliotu dute zabaldutako oharra: “Agur esaten diogu Mary emazteari ere, aurten emakume-taldean jokatu baitu gurekin”.
