Arrondon oinezko herribideko sarbidea konpondu dute
Ataungo oinezko herribidea konpontzeko lanetan ari da udala. Azkena, Arrondotik herribidera sartzeko zubitxoa berritu dute.
Ataun zeharkatzen duen oinezko herribide edo Kaxio ibilbidean konponketa lanak egiten segitzen du udalak. Azkena, Arrondo auzotik herribidera sartzeko zubitxoa berritu dute. Lehengoa egoera txarrean zegoen, ustelduta. Metalezkoa da berria. Urdangarintxiki edo Kotxera bezala ezagutzen duten etxearen atzealdean dago zubitxoa, Agauntzako zubitik aurrerago.
