280 atletak estreinatuko dute Altamirako pista berria igandean

Gipuzkoako Atletismo Federazioak parte-hartze libreko probak antolatu ditu iganderako Ordizian

2020/09/17

Igande honetan, hilak 20, 280 atleta batuko dira Ordiziako Altamira atletismo pista berritua estreinatzeko. Gipuzkoako Atletismo Federazioak eta Txindoki Atletismo taldeak antolatutako Parte-hartze libreko probak goizeko 10.30etan hasi eta 13.30ak arte luzatuko dira.

“Guretzako ohore bat da Federazioak Ordiziako Altamira pista aukeratu izana proba hauek egiteko; normalean Donostian egiten dira. Gainera, Txindoki Atletismo taldea ere buru-belarri ibili da ekintza guztia antolatzen, eta oso eskertuta gaude”, azaldu du Jon Ander Caballero, Ordiziako Kirol zinegotziak. Ostegun honetan, iluntzeko 20.00etan argitaratuko dira parte hartuko duten atleta guztien behin betiko irteera-zerrendak.

Covid-19ak sortutako osasun egoera dela eta, ekintzak aforo mugatua izango du, eta dagoeneko beteta dago.

Hau izango da parte-hartze libreko proben ordutegia:

PROBEN HASIERA

10:30 Luzera gizonak

10:30 Pertiga gizon+emakume

10:30 100 metro hesidunak (0.76) Sub16-Sub18 Emakumeak

10:40 100 metro hesidunak (0.84) Emakumeak absolutua

10:50 100 metro hesidunak (0.91) S16

11:00 110 metro hesidunak (0.91) S18

11:00 Pisua Emakumeak

11:00 Altura Mujeres

11:10 110 metro hesidunak (1.00) S20