Arkatzak urrian egingo du maiatzeko haurren marrazki lehiaketa
Partaideek etxean egindako lanak aurkeztu beharko dituzte urriaren 5a eta 6a bitartean. Lehen Hezkuntzako ikasle guztiek parte har dezaketa lehiaketan. Sariak urriaren 16an emango dira, eta erakusketa egingo dute aurkeztutako lan guztiekin.
Arkatzako arduradunak iazko saridunekin Arkatza elkarteak urtero maiatzean antolatzen duen haurren marrazki eta pintura lehiaketa urrian egingo dute aurten. COVID-19agatik atzeratu behar izan zuen, eta oinarrietan aldaketak ezarri ere bai. Aurten, haurrek ez dituzte aurrez aurre egin beharko lanak, baizik eta etxean, eta antolatzaileei urriaren 5ean eta 6an zehar entregatu kultur etxeko harreran, 10:00etatik 13:00etara edo 16:00etatik 19:00etara.
Gainerako oinarriak azken urteetakoak dira 17. edizio honetan ere. Lehiaketa hiru kategoriatan dago banatuta: A, edo Lehen Hezkuntza 1. eta 2. mailakoena, eta horiek animalien inguruko lanak egin beharko dituzte; B, edo LH 3. eta 4. mailakoak, gaia aiton-amonak dutela; eta C edo LH 5. eta 6. mailakoak, eta horien gaia Legazpiko parkeak da. Lan guztiak DIN A4 formatoan egin beharko dira.
Sariak eta erakusketa
Epaimahaia Arkatzako kideek osatuko dute, eta urriaren 16an banatuko dituzte dariak, kultur etxeko areto nagusian 19:00etn egingo den ekitaldian. Kategoria bakoitzeko hiru sari emango dituzte.
Saritutako lanak eta lehiaketara aurkeztutako gainerako lanak ikusgai jarriko dituzte urriaren 16an bertan kultur etxean bertan. Urriaren 30era arte egongo da zabalik erakusketa.
