Udazkenerako antzerki aukera
Antzeztaun egitarauaren barruan bost antzerki saio izango dira Ataunen urrian. 'Adabaki' clown ikuskizunak irekiko du zikloa igandean, San Gregorio plazan
‘Adabaki’ clown ikuskizunak estreinatuko du zikloa igandean. Aurten inoiz baino arrazoi gehiagorekin, antzerkiari bultzada bat ematera, eta sektorean lanean ari diren artistei, taldeei eta konpainiei plaza eskaintzera dator Ataungo Antzeztaun zikloa, 2012an jaio zenetik bederatzigarrena. Egitarauan bost emanaldi jaso dituzte Intujai Teatro konpainiak, udalak eta Troskaeta tabernak. Urrian dira denak, eta guztiak euskaraz.
Antzeztaunen fomato ezberdineko ikuskizunak izango dira gakoa: clown-a, ipuina, zirkua, magia eta antzerkia. San Gregorio plazan, eskolan, Barandiaran museotik abiatuta kalean, Troskaetan eta Herri Antzokian izango dira emanaldiak.
Clown ikuskizuna, hasteko
Igandean, urriaren 4an, hasiko da Antzeztaun. Bapatean Zirko taldearen Adabaki ikuskizunak irekiko du zikloa, 17:00etan, San Gregorio plazan. Hitzik gabeko clown saioa da, haurrentzako egokia, Odei Arregik eta Israel Cuadradok antzeztua eta Maite Guevarak zuzendua.
«Bi pailazo, leku bat eta mila aukera» dira ikuskizunaren oinarriak. Ada eta Baki dira protagonistak, eta jolasen bidez bi lagunek osatu duten unibertsoa, emozioz, golpez, majiaz eta humorez beterikoa: «Ongi etorri, egunkari, pelota, maleta eta adabakiz osaturiko lurralde txiki honetara». Bien arteko erlazioa eta elkarrekin sortzeko gai diren mometu bitxi eta bakarrek osatzen dute clown ikuskizun hau.
ANTZEZTAUN 2020
URRIAK 4, IGANDEA
· Adabaki. Bapatean Zirko talde-arekin. Familia osoarentzakoclown ikuskizuna, 17:00etan, SanGregorio plazan.
URRIAK 9, OSTIRALA
· Iturri zaharreko istorioak. Ines Bengoearekin, familia osoari zuzendutako ipuin kontaketa. Hiru saio izango dira: 18:00etan, 18:30ean eta 19:00etan, Troskaeta tabernan.
URRIAK 16, OSTIRALA
· Indartsuak. Zirko Txosko taldearen zirku eta umore ikuskizuna, familia osoari zuzenduta. 16:30ean, Joxe Migel Barandiaran eskolan.
URRIAK 25, IGANDEA
· Txangozatu. Intujai Teatro konpainiarekin. Familia osoarentzako ikuskizun ibiltaria da, eta Barandiaran Museotik abiatuko da 17:00etan.
URRIAK 30, OSTIRALA
· Birritan bortxatua. Aldatzen Laguntzen taldearekin, helduentzako antzezlana.22:00etan, Herri Antzokian.
