Unidad Alavesak ez du Zaldibian joko biharko kontzertuan
Azken orduko aldaketa bat dela medio, Unidad Alavesak ezin izango du bihar Zaldibian jo. Esanezin eta J Martina ariko dira, Resti frontoian.
Zaldibiako Gazte Asanbladak kontzertua antolatu ditu, biharko. Unidad Alavesa talde ataundarra zen jotzekoa, baina ez dira izango, taldekide bat bakartuta dagoelako. Kontzertua J Martina eta Esanezin taldeekin egingo da, 19:00etan hasita, Resti frontoian. Sarrerak agortuta daude. Udazken Bizia egitaraua ere hastera doa. Haatik dantza konpainiak Errimak bi oinetan emanaldia egingo du, Restin, igandean 18:00etan. Ez dago sarrerarik. Libe Sukia zaldibiarra da dantzarietako bat.
