Arrano Etxeko bi arrano askatuko dituzte zapatuan
Anduetza parketxean Igeldoko Arrano Etxean sendatutako bi arrano askatuko dituzte, larunbat honetan Ikustera joateko izena eman behar da aurrez.
Igeldoko Arrano Etxean sendatutako bi arrano askatuko dituzte Anduetza parketxean. Larunbatean izango da, 11:00etan. Igandean ziren egitekoak, baina eguraldi iragarpenagatik aurreratzea erabaki dute. 3 euro balio du pertsonako eta aldez aurretik izena ematea ezinbestekoa da, Anduetza parketxearen helbidera idatzita edo telefonoz deituta. Musukoa uneoro eramatea derrigorrezkoa da eta gel hidroalkoholikoa eramango dute antolatzaileek eskuak garbitzeko.
