Itaia Emakumeon Antolakunde Sozialista aurkeztuko dute gaur, Legazpin
Legazpiko Gaztetxean egingo dute emakume antolakunde berriaren lehen aurkezpena. Gaur zortzi, Beasainen.
Itaia Emakumeon Antolakunde Sozialistaren Goierriko lehen aurkezpena egingo dute gaur Legazpiko Gaztetxean, 19:00etan. «Goierrin ere, emakume langileon babesa antolatzeko hautua eginez» elkartu dira Itaia Antolakunde Sozialistako emakumeak. «Indarrak metatzea helburu», bi aurkezpen egingo dituzte eskualdean, lehena gaur Legazpin, eta hurrengoa Beasainen izango da, hurrengo ostiralean, hilak 30. udaletxean, 18.00etan. Aurkezpen horiekin, Goierrin ere «klase kontzientzia garatuz, gure bizi baldintza eta baldintza estrategikoak hobetzeko borroka prozesu eta lan ideologikoa» abiaraziko dituztela diote.
Zinema eta mendi irteera
Bestalde, gauean, Gaztetxean bertan,Refugiados a ninguna parte dokumentalaren emanaldia izango da 22:00etan. Sarreran borondatea kobratuko dute, eta jasotako dirua Hotz Legazpi elkarteari emango diote, errefuxiatuentzako diru laguntza gisa.
Bihar, bestetik, mendi Irteera egingo dute Otañora. Hitzordua 09:00etan da Gaztetxean.?
