Goierri mende bat lehenago erakusketa zabalduko dute bihar
Duela ehun urteko Goierri nolakoa zen irudikatu ahalko du bisitariak posta txartelen bidez
Mikel Cavero: 'El puente' Goierri mende bat lehenago erakusketa zabalduko du bihar Lemniskata Kaierak Martin Garciarekin batera. Igartzako jauregiko burdinolan egongo da ikusgai. Bisitariak duela ehun urteko Goierri nolakoa zen irudikatuko du posta txartelen bidez.
Erakusketa Lemniskata Kaierako bildumaren laugarren aleatik eratorria da. Izan ere, datorren astean, azaroaren 13an, plazaratuko dute Goierri mende bat lehenago liburua. Erakusketan ikusgai dauden piezak jasoko ditu lanak. Aurkezpena Azaroa, Zientziaroa zikloko ekintzetako bat izango da.
Etzidamu hasiko da zientziaroa. Eva Arrieta terapeutak zabalduko du ¿Por qué nos enfermamos? hitzaldiarekin. Gorputza “entzuten” irakatsiko du, seinaleak detektatzeko eta gaixotasunak eragozteko. Azaroaren 20an Alejandro Cearreta geologoaren txanda izango da Antropoceno, no solo clima y biodiversidad hitzaldiarekin. Azaroaren 27an bertako ikerlari eta zientzialarian txanda izango da. Hitzaldi guztiak 19:00etan izango dira, Igartzan.
| Azaroak 4 – 15 | Goierri mende bat lehenago erakusketa |
| Azaroak 6 | Eva Arrieta, ¿Por qué nos enfermamos? |
| Azaroak 13 | Goierri mende bat lehenago, Kaiera laugarren bilduma |
| Azaroak 20 | Alejandro Cearreta, Antropoceno, no solo clima y biodiversidad |
| Azaroak 27 | Bertako ikerlari eta ekintzaileak |
| Abenduaren 31ra arte | Lemniskata Matematika Argazki Lehiaketa |
| Hitzaldi guztiak 19:00etan izango dira, Igartzan. |
Matematika Argazki Lehiaketaren zazpigarren edizioa ere martxan dago. Matematikaren lotura duten irudiak eskatzen ditu antolakuntzak. Edonork har dezake parte, gehienez lau argazkirekin. Zuri beltzean edo koloretan, berdin da. Irudiak JPG formatuan egon behar dira, 4000px alde zabalena, 300 ppp eta sRGB kolore espazioan. Fitxategiak ezin ditu 6 Mega pasa. Lanak argizpiren webgunearen bidez entregatu behar dira. 700 euro baino gehiago egongo dira sarietan. Herriko onenak ere izango du aitortza.
