"Ikusten gaituzula ikusi nahi dugu"
Naizen elkarteak izen bereko abestia atera du, adingabe transexualak ikustarazteko. Ekaitz Goikoetxearena da abestiaren letra
Hegan egin nahi duen tximeleta baten
ametsak noiz bihurtzen dira oroitzapen.
Ikusi Naizenek zein indar har dezaken
laguntzen zaigunean garenak izaten.
Aluak, barrabilak, zakilak, titiak…
bihotz zabalak eta buru irekiak.
Ematen direnean pauso egokiak
handi bihurtzen dira samurai txikiak.
Egin argiari (e)ta haizeari bultza,
maitasuna da batzen gaituen hizkuntza.
Ostadar koloretsu baterako funtsa
zure begirada da, ez gure gorputza.
Orrialde zuriak, bizitzako helburu.
Udaberri berri bat zirriborratu du.
Begiak pintatzeko bihotzak helburu
Ikusten gaituzula ikusi nahi dugu
Egin argiari (e)ta haizeari bultza,
maitasuna da batzen gaituen hizkuntza.
Ostadar koloretsu baterako funtsa
zure begirada da, ez gure gorputza.
Ikusi Naizenek zein indar har dezaken
laguntzen zaigunean garenak izaten. (bis)
