Asteburuan bi edukiontzi erre dituzte Legazpiko garbigunean
Legazpiko udal gobernu taldeak gogor gaitzetsi du gertatutakoa, eta edukiontzi horiek herritar guztien artean ordaindu beharko dituztela gogorarazi dute.
Legazpiko Udalak jakinarazi duenez, asteburuan bi edukiontzi erre dituzte, industrialdean dagoen garbigunean. Edukiontzi horiek 560 euro balio dutela eta “legazpiar guztiok ordaindu” beharko dutela azaldu du. Udal gobernu taldeak “gogor” gaitzetsi du gertatutakoa, eta “indarkeriak eta ekintza bandalikoek inolako justifikaziorik” ez dutela gogorarazi du.
