Asteburuan 37 positibo gehiago atzeman dituzte Goierrin
Osasun Sailaren arabera, ostiraletik 37 kasu gehiago agertu dira eskualdean. Zumarraga eremu gorritik atera da, eta Ordiziak bakarrik jarraitzen du arrisku tartean.
Datuek beheranzko joeran jarraitzen badute ere, oraindik ez dago erlaxatzerik. Hori erakusten dute asteburuko emaitzek. Osasun Sailaren txostenaren arabera, ostiraletik hona 37 kasu berri atzeman dituzte Goierrin, 14 ostiralean, 11 larunbatean eta 12 igandean.
Ordiziak jarraitzen du arreta gune nagusia izaten, ez bakarrik inzidentzia tasa altuena duen herria delako (nahiz eta jaisten ari den), baita asteburuan beste 13 positibo zenbatu dituztelako ere. Zumarraga (8), Beasain (6) dira zerrendan hurrenak. Legazpik eta Urretxuk bina kasu berri dituzte, eta Lazkaon ez dute positibo berririk atzeman azken egunetan.
Inzidentzia tasa kontuan hartuz gero, Goierriko sei herririk hazienetatik bost?? atera dira dagoeneko eremu gorritik. Legazpi (237,2) du taxarik baxuena, eta Urretxuk (294,03), Lazkaok (360,4) eta Beasainek (393,73) ere gainditu dute langa. Gaur, Zumarraga () batu zaie herri horiei, 500eko tasatik behera kokatuta. Eremu gorrian jarraitzen duen bakarra Ordizia (782,3) da.
Herri txikiagoei dagokionean, aipatzekoa da Zaldibiaren kasua, beste 4 positibo agertu baitira egunotan. Gabiriak eta Legorretak berriz, bana dituzte. Guztira hamalau herri daude kasu berririk gabe.
Martxoan koronabirusaren osasun krisia hasi zenetik hona, 3.266 positibo kasu agertu dira guztira Goierrin.
| Ostirala | Larunbata | Igandea | Denera: | |
| Altzaga | 0 | 0 | 0 | 3 |
| Arama | 0 | 0 | 0 | 13 |
| Ataun | 0 | 0 | 0 | 66 |
| Beasain | 2 | 2 | 2 | 712 (+6) |
| Ezkio eta Itsaso | 0 | 0 | 0 | 13 |
| Gabiria | 0 | 1 | 0 | 10 (+1) |
| Gaintza | 0 | 0 | 0 | 9 |
| Idiazabal | 0 | 0 | 0 | 58 |
| Itsasondo | 0 | 0 | 0 | 26 |
| Lazkao | 0 | 0 | 0 | 199 |
| Legazpi | 0 | 1 | 1 | 297 (+2) |
| Legorreta | 1 | 0 | 0 | 93 (+1) |
| Mutiloa | 0 | 0 | 0 | 7 |
| Olaberria | 0 | 0 | 0 | 29 |
| Ordizia | 6 | 3 | 4 | 715 (+13) |
| Ormaiztegi | 0 | 0 | 0 | 50 |
| Segura | 0 | 0 | 0 | 51 |
| Urretxu | 1 | 0 | 1 | 272 (+2) |
| Zaldibia | 1 | 2 | 1 | 89 (+4) |
| Zerain | 0 | 0 | 0 | 1 |
| Zegama | 0 | 0 | 0 | 89 |
| Zumarraga | 3 | 2 | 3 | 455 (+8) |
| GOIERRI | 14 | 11 | 12 | 3.266 (+37) |
