Asteburuak 53 positibo utzi ditu Goierrin, aurrekoak baino 16 gehiago
Ordizian 22 positibo atzeman dira hiru egunetan, Beasainen 11 , Seguran 8 eta Legazpin 6. Lau horiek dira asteburuan positibo gehien izan dituzten udalerriak. Osasun krisia hasi zenetik 3.387 COVID-19 kasu positibo izan dira Goierrin. Ordizia da eremu gorrian jarraitzen duen Goierriko herri bakarra.
Joan den asteburuarekin alderatuz, datuek okerrera egin dute Goierrin. Joan den asteburuan baino 16 positibo gehiago zenbatu ditu Osasun sailak ostiral, larunbat eta igandeetan egindako probetan: 53 denera. Ostiralekoak 22 dira, larunbatekoak 21 eta igandekoak 10.
Ordiziak jarraitzen du arreta gune nagusia izaten, ez bakarrik inzidentzia tasa altuena duen herria delako (nahiz eta jaisten ari den), baita asteburuan beste 22 positibo zenbatu dituztelako ere. Beasain (11), Segura (8), Legazpi (6) eta Zumarraga (3) dira zerrendan hurrenak. Ezkio-Itsason, Idiazabalen eta Itsasondo kasu bana atzeman dute, baina gainontzekoetan bat bera ere ez.
Inzidentzia tasa kontuan hartuz gero, Ordizia da eremu horri jarraitzen duen bakarra, 742,23ko tasarekin. Beasain eremu laranjan dago (322,4), eta Lazkao (180,21), Legazpi (213,52), Urretxu (205,82) eta Zumarraga (266,20) horian daude.
Martxoan koronabirusaren osasun krisia hasi zenetik hona, 3.387 positibo kasu agertu dira guztira Goierrin.
| Ostirala | Larunbata | Igandea | DENERA | |
| Altzaga | 0 | 0 | 0 | 3 |
| Arama | 0 | 0 | 0 | 14 |
| Ataun | 0 | 0 | 0 | 67 |
| Beasain | 5 | 3 | 3 | 739 (+11) |
| Ezkio eta Itsaso | 1 | 0 | 0 | 15 (+1) |
| Gabiria | 0 | 0 | 0 | 10 |
| Gaintza | 0 | 0 | 0 | 9 |
| Idiazabal | 1 | 0 | 0 | 60 (+1) |
| Itsasondo | 0 | 1 | 0 | 27 (+1) |
| Lazkao | 0 | 0 | 0 | 205 |
| Legazpi | 2 | 3 | 1 | 311 (+6) |
| Legorreta | 0 | 0 | 0 | 93 |
| Mutiloa | 0 | 0 | 0 | 7 |
| Olaberria | 0 | 0 | 0 | 29 |
| Ordizia | 10 | 10 | 2 | 757 (+22) |
| Ormaiztegi | 0 | 0 | 0 | 50 |
| Segura | 1 | 3 | 4 | 59 (+8) |
| Urretxu | 0 | 0 | 0 | 277 |
| Zaldibia | 0 | 0 | 0 | 91 |
| Zegama | 0 | 0 | 0 | 89 |
| Zerain | 0 | 0 | 0 | 1 |
| Zumarraga | 2 | 1 | 0 | 465 (+3) |
| GOIERRI | 22 | 21 | 10 | 3.387 (+53) |
