EH Bilduk Beasainen alde lan egiten jarraitzeko eskatu dio Aldasorori
"Agintaldi honetan gurekin izan duzun jarrera egokia izan da, desadostasunak izan baditugu ere", aitortu du koalizioak. Zorte ona opa dio ibilbide berrian
Beasaingo EH Bilduk zorte ona opatuta agurtu du Aldasoro. “Agintaldi honetan gurekin izan duzun jarrera egokia izan da, desadostasunak izan baditugu ere”, esan du Nerea Manzisidor bozeramaileak. “Aipatu duzu Legebiltzarrean Beasaini begira ere lan egingo duzula eta espero dugu hala izatea”. Euskararen ezagutza eta erabilera areagotzeko politikak martxan jartzeko ere eskatu diote agurrean. “Ziurtasuna dugu bertatik gehiago eragiteko aukera izango duzula”.
