Joxe Mari Auzmendi gogoan 'Bizipoza' egitasmoaren hasieran
Bizipoza elkarteak 'Mundu berri bat guztiontzat' proiektua aurkeztu du, 12 abesti eta 11 bideoklipez osatutako CD eta DVD banarekin, tartean, Auzmendik idatzitako bat.
Bizipoza elkartearen Mundu berri bat guztiontzat proiektuaren aurkezpenean, tarte bat hartu zuten egitasmoaren sorreraren eragileetako bat izan zen Joxe Mari Auzmendi legazpiarra gogoratzeko eta omentzeko.
Mundu berri bat guztiontzat 12 abestiz eta 11 bideoklipez osatutako CDa eta DVDa da, 11 elkarteentzako 34 kultur sortzailek elkarlanean egindakoa. Elkarte horiek egunerokoan lantzen dituzten gaiak eta haien errealitateari buruzko abestiak eta bideoklipak dira. Aspanogi, Aspanovas, Aspanif, Biak Bat, Bihotzez, Hiru Hamabi, Integrazio Batzordea, Kaledor Kayiko, Gehitu Oporrak bakean eta Ulertuz dira elkarteak.
CDko abestietako bat Auzmendik idatzitako olerki batekin egindakoa da, eta bere bideo klipa www.bizipoza.eus eta Bizipozaren sare sozialetan argitaratuko dute martxoaren 3an.
