Asteburuan 44 kasu atzeman dituzte, eta bataz bestekoa jaitsi egin da
Osasun Sailaren arabera, asteburuak azken asteetako daturik onenak utzi ditu Goierrin. Guztira 44 positibo atzeman dituzte hiru egunetan, aurreko egunetako bataz bestekoaren azpitik. Sei herrik jarraitzen dute eremu gorrian; Mutiloa da zerrendatik atera den bakarra.
Segura da eragin tasarik handiena duen Goierriko herria; asteburuan beste bost kasu atzeman dituzte // Ane Garmendia 
Esperantzarako datuak utzi ditu Osasun Sailaren gaurko txostenak. Ostiraletik igandera, 44 positibo atzeman dituzte eskualdean. Ostiralean 18 izan ziren, larunbatean 16 eta igandean 10. Aurreko asteetako datuekin alderatuta, bataz bestekoaren oso azpitik daude emaitza horiek.
Bigarren arreta gunea, eremu gorrian dauden herriena da. Zerrenda argitaratu berri du Osasun Sailak, eta Goierriko herriei dagokionean, ez dago aldaketa handirik. Legazpik (689,74), Urretxuk (688,24) eta Zumarragak (621,12) neurri gehigarriekin jarraituko dute; baita, Ormaiztegik (705,33), Segurak (2739,73) eta Zerainek (1824,82) ere. Ostiralean ostalaritza ixteko neurria ezarri zitzaien herrien artean, Mutiloa (1568,63) izan da zerrendatik atera den bakarra. Izan ere, neurri gehigarriak ezartzeko hiru baldintzetatik bi betetzen ditu, aste-betean, bi kasu berri izan baititu (itxiera aplikatzeko 2 kasu baino gehiago izan behar dira aste berean).
Datuak herriz herri aztertuta, Beasain da kasu gehien izan dituena, 11 positiborekin. Legazpi (7), Urretxu (6), Ordizia (5), Segura (5) eta Zumarraga (4) daude atzetik. Idiazabalen bi kasu agertu dira, eta bana Ataunen, Lazkaon eta Zaldibian.
Iazko martxoan osasun krisia hasi zenetik, Goierrin 4.812 COVID-19 positibo kasu izan dira.
| 02/05 | 02/06 | 02/07 | DENERA | |
| Altzaga | 0 | 0 | 0 | 4 |
| Arama | 0 | 0 | 0 | 18 |
| Ataun | 1 | 0 | 0 | 117 (+1) |
| Beasain | 7 | 2 | 2 | 1.097 (+11) |
| Ezkio eta Itsaso | 0 | 0 | 0 | 22 |
| Gabiria | 0 | 1 | 0 | 11 (+1) |
| Gaintza | 0 | 0 | 0 | 9 |
| Idiazabal | 2 | 0 | 0 | 91 (+2) |
| Itsasondo | 0 | 0 | 0 | 37 |
| Lazkao | 1 | 0 | 0 | 292 (+1) |
| Legazpi | 3 | 1 | 3 | 468 (+7) |
| Legorreta | 0 | 0 | 0 | 106 |
| Mutiloa | 0 | 0 | 0 | 11 |
| Olaberria | 0 | 0 | 0 | 45 |
| Ordizia | 2 | 3 | 0 | 973 (+5) |
| Ormaiztegi | 0 | 0 | 0 | 72 |
| Segura | 1 | 2 | 2 | 139 (+5) |
| Urretxu | 0 | 6 | 0 | 383 (+6) |
| Zaldibia | 0 | 0 | 1 | 126 (+1) |
| Zegama | 0 | 0 | 0 | 108 |
| Zerain | 0 | 0 | 0 | 12 |
| Zumarraga | 1 | 1 | 2 | 671 (+4) |
| GOIERRI | 18 | 16 | 10 | 4.812 (+44) |
* Datuetan egun batetik bestera egon daitezkeen aldeak, Eusko Jaurlaritzak asteroko datuak eguneratzean egiten dituen aldaketei dagozkio.
