KORONABIRUSA
Infernua bezain gorri
Goierriko intzidentzia tasak goraka jarraitzen du: 666,58 kasutan dago 100.000 biztanleko. Azken 24 orduetan 59 kasu gehiago atera dira. Zaldibian, hamabi; Zegaman, zazpi edota Ezkio eta Itsason, hiru
Goierrin pandemiak hazten jarraitzen du, etenik gabe. Atzokoan 45 gaixotan hazi zen 100.000 biztanleko intzidentzia, eta jada 666,58an dago. Urteko daturik txarrenak dira.
Martxoa beltza izaten ari da. Otsaila amaieran intzidentziak azken hilabeteetako zifrarik baxuenak erakusten zituen, baina azken hilabetean gelditu gabe gora egiten ari da. 726 positibo baieztatu dira hilabetean. 468, azken bi asteetan.
Azken 24 orduetan 59 kasu agertu dira. Urteko daturik kaxkarrena da hau ere. Aipagarria da Zaldibian dozena bat kasu agertu direla; Zegaman, zazpi; edota Ezkion eta Itsason, hiru. Lazkaon gutxi iraun du ateraldiak, atzera berriz ere bi kasu agertu direlako. Gainerako herri nagusien artean, Beasainen eta Ordizian zortzina kasu agertu dira, bietan atzo baino gutxiago, Urretxun zazpi, Zumarragan sei eta Legazpin lau. Bai Urretxu eta bai zumarraga eremu laranjan sartu dira.
| Azken 24 orduetako positiboak | Azken hamalau egunetakoak | Intzidentzia tasa | |
| Altzaga | 0 | ||
| Arama | 0 | ||
| Ataun | 1 | 29 | 1.659,99 |
| Beasain | 8 | 114 | 813,07 |
| Ezkio eta Itsaso | 3 | 5 | 788,64 |
| Gabiria | 1 | 194,93 | |
| Gaintza | 0 | ||
| Idiazabal | 7 | 294,12 | |
| Itsasondo | 0 | ||
| Lazkao | 2 | 65 | 1.154,12 |
| Legazpi | 4 | 22 | 261,62 |
| Legorreta | 12 | 805,37 | |
| Mutiloa | 4 | 1.568,63 | |
| Olaberria | 1 | 10 | 1.090,51 |
| Ordizia | 8 | 89 | 883,81 |
| Ormaiztegi | 3 | 235,11 | |
| Segura | 3 | 195,69 | |
| Urretxu | 7 | 21 | 307,51 |
| Zaldibia | 12 | 22 | 1.326,9 |
| Zegama | 7 | 26 | 1.709,4 |
| Zerain | 1 | 364,96 | |
| Zumarraga | 6 | 34 | 356,2 |
Itsasondo dago txanponaren bestaldean. Azken hamalau egunetan ez da positibo bakar bat ere agertu herrian eta inztidentzia zeroraino jaitsi da. Altzagan, Araman eta Gaintzan ere ez da kasurik azteman azken bi asteetan.
Pandemia hasi zenetik eskualdean 5.713 kasu atzeman dira, denera.
