Jardunaldi kaxkarra
Beasainek 0 eta 1 galdu zuen Anaitasunaren aurka; Goierri Gorrik 2 eta 1 galdu zuen, Alavesen zelaian
Beasaingo futbol talde nagusiek ez dute asteburuko bi partidetan punturik lortu. Beasainek 0 eta 1 galdu zuen, Anaitasunaren aurka; Goierrik Gorrik 2 eta 1 galdu zuen, Alavesen bigarren taldearen zelaian.
Gizonezkoek aukera polita zuten multzoko lehen postuetara hurbiltzeko. Partidako gol bakarra, ordea, azkoitiarrek egin zuten, penaltiz. 60. minutuan Etxabegurenek aurkari bat zapaldu zuela iritzi zuen epaileak. Artetxek ezin izan zuen jaurtiketa gelditu. Zaildu egin zaie igoera fasean bizirik jarraitzeko aukera, partida bat gehiagorekin Deustu baino sei puntu gutxiago baitituzte. Beasaini hiru partida falta zaizkio bigarren fasea amaitzeko.
| J.P. | Puntuak | ||
| 1. | Santutxu | 23 | 38 |
| 2. | Deustu | 22 | 37 |
| 3. | Anaitasuna | 23 | 36 |
| 4. | Baskonia | 22 | 31 |
| 5. | Beasain | 23 | 31 |
| 6. | San Inazio | 23 | 30 |
Goierri Gorriri azkar jarri zitzaion partida maldan gora. Lehen ordu laurdena bete baino lehenago jaso zuten lehen gola. 70. minutuan bigarrena egin zuten babazorroek. Halere, gorriek ez zuten etsi eta Zubiaurrek aldea murriztea lortu zuen, baina ez zen nahikoa izan. Jaitsiera postuetatik knapo jarraitzen dute, punturik batu ez arren.
| J.P. | Puntuak | ||
| 1. | Alaves ‘B’ | 19 | 25 |
| 2. | Pauldarrak | 18 | 22 |
| 3. | Oiartzun | 19 | 20 |
| 4. | Hernani | 17 | 19 |
| 5. | Goierri Gorri | 17 | 17 |
| 6. | Lakua | 17 | 16 |
| 7. | Aurrera | 17 | 15 |
| 8. | Sestao | 18 | 15 |
| 9. | Barakaldo | 18 | 2 |
