Ane Mintegi, WTA Madrid lehiaketaren prebiatik kanpo
Ane Mintegi tenislari idiazabaldarra WTA 1000 Madrid lehiaketaren aurretiko fasetik kanpo geratu da. Lehiaketa baino lehen lehiaketan sartzeko prebia jokatzen dute WTA-ko sailkapen orokorrean puntu gutxien dituztenek. Ane Mintegik Kristina Miadenovic-en aurka galdu du, 6-3, 5-7 eta 7-6, eta ez da Madrilgo txapelketan izango. WTA ranking-ean, bakarka, 1369. postuan dago idiazabaldarra, eta binaka, berriz, 716. postuan. Hilabete hasieran, ITF World Tennis Tour zirkuituan bere lehenbiziko profesionaletako finala jokatu zuen.
