Beasain eremu horira igaro da
Atzo 43 positibo atzeman ziren: erdiak baino gehiago, Legazpin eta Zumarragan. Eskualdeko intzidentzia tasak beheraka jarraitzen du
Osasun Sailak 43 kasu baieztatu ditu azken orduetan. Goi Goierrin pilatu dira gehienak, beste egun batez: Ezkioren eta Itsasoren, Legazpiren, Urretxuren eta Zumarragaren artean, 30 kasu; Altzagan hiru kasu agertu dira. Pandemia hasi zenetik bertan agertu diren kasuen erdiak baino gehiago azken bi asteetan pilatu dira.
| Atzo | Azken 14 egunetan | Intzidentzia tasa | Positiboak denera | |
| Altzaga | 3 | 6 | 3.278,69 | 11 |
| Arama | 0 | 0 | 0 | 18 |
| Ataun | 3 | 8 | 457,93 | 190 |
| Beasain | 3 | 42 | 299,55 | 1.522 |
| Ezkio eta Itsaso | 1 | 8 | 1.261,83 | 41 |
| Gabiria | 0 | 3 | 584,8 | 23 |
| Gaintza | 0 | 0 | 0 | 10 |
| Idiazabal | 1 | 6 | 252,1 | 143 |
| Itsasondo | 0 | 6 | 824,18 | 67 |
| Lazkao | 1 | 33 | 585,94 | 524 |
| Legazpi | 17 | 152 | 1.807,59 | 840 |
| Legorreta | 0 | 6 | 402,68 | 163 |
| Mutiloa | 0 | 0 | 0 | 15 |
| Olaberria | 0 | 14 | 1.562,72 | 80 |
| Ordizia | 2 | 55 | 546,18 | 1.270 |
| Ormaiztegi | 0 | 5 | 391,85 | 106 |
| Segura | 0 | 5 | 326,16 | 192 |
| Urretxu | 2 | 62 | 907,89 | 587 |
| Zaldibia | 0 | 20 | 1.206,27 | 303 |
| Zegama | 0 | 5 | 328,73 | 181 |
| Zerain | 0 | 1 | 364,96 | 13 |
| Zumarraga | 10 | 103 | 1.048,77 | 970 |
| Goierri | 43 | 540 | 769,13 | 7.279 |
Goierriko intzidentzia tasak beheraka jarraitzen du. Motel, ordea. 100.000 biztanleko ia 770 gaixo daude. Eremu gorrian, hortaz. Alarma gorriak hilabete baino gehiago darama etenik gabe piztuta.
Beasain eremu horira igaro da, laranja atzean utzita. Herritarren bizitzan ez du aldaketarik ekarriko, baina egoera lasaitzen ari denaren seinale da; Lazkaon ere behera egin du eta intzidentzia 600 kasuen azpitik kokatu da.
Gaur gaurkoz, Goierriko herri bakar batean ere ez lirateke malgutuko neurri murriztaileak. Are gehiago, Ezkio eta Itsaso mugan daude: 5.000 biztanle baino gutxiago dituztenez, herriko egoeraz gain osasun eremuko egoera eta azken astean izandako kasu kopurua ere kontuan hartzen dira. Hiru baldintzak betetzen dituzte. Halere, astelehenean eguneratuko denez zerrenda, baliteke, ekidin ahal izatea. Asteburuan ez bada kasurik baieztatzen ez dituzte lau positibo baina gehiago izango.
Aste beltza
Covid-19arekin lau hildako izan ziren pasa den astean. 132 goierritarrek galdu dute bizia Covidarekin. Gutxi gorabehera, hiru egunetik behin hiltzen da norbait eskualdean.
