BKLk udako kanpusa Beasainen egingo du
2007 eta 2012 urteen artean jaiotakoei zuzenduta dago, klubeko jokalari izan edo ez. Hiru txanda egingo dituzte
BKLk udako kanpusa antolatuko du. Hiru txanda izango ditu: ekainaren 21etik 25era; ekainaren 28tik uztailaren 2ra; eta uztailaren 5etik 9ra. 65 euro balioko du txanda bakoitzak, 75 euro zaintza zerbitzua kontratatzen bada. Kanpusa Beasainen bertan egingo dute, Debara joan beharrean. “Halere, jarduera asko egingo ditugu, horiek guztiek eskatzen zaigun osasun-protokoloa betez. Segurtasuna da garrantzitsuena, parte-hartzaile guztien gozamenarekin eta ongizatearekin batera”, diote klubetik.
Kanpusa 2007 eta 2012ko haurrei zuzenduta dago. Ez dago klubeko kide izan beharrik kanpusean parte hartu ahal izateko. Izena emateko txantiloi hau bete behar da.
