Amaitzeko, Chaplin
Goieniz zineklubak bihar amaituko du denboraldia. Charles Chaplinen 'The kid' filma eskainiko dute
Goieniz zineklubak The kid filma eskainiko du bihar, 19:00etan, Usurbe Antzokian. Emanaldia gaztelaniaz izango da, film mutua den arren. Charles Chaplinek zuzendu, ekoitzi, antzeztu… zuen. Filma kaleratu zenetik ehun urte bete dira aurten.
Amak abandonatutako haur baten bizia kontatzen du lanak. Amak ez du baliabide nahikorik haurra aurrera ateratzeko, eta kalean uzten du aberats batek hartuko duelakoan. Eskale batek jasotzen du, ordea, Charles Chaplinek. Komedia zantzuak dituen drama bat da.
Denboraldiko azken saioa izango da biharkoa. Goienizekoek udan atseden hartuko dute eta udazkenean itzuliko dira, indarberrituta.
