Legazpiko liburutegiak udarako irakurketa gomendioak argitaratu ditu
Biblioporrak irakur gida kaleratu du, azken urteetan bezala, Liburutegia goizez bakarrik dago zabalik uda garaian, baita abuztuan ere.
Azken urteetan bezala, udako oporraldia gerturatzearekin batera, Legazpiko udal liburutegiak Biblioporrak irakur gida kaleratu du beste liburutegi batzuekin elkarlanean.
Irakur gidak honetan adin ezberdinetarako egokiak izan daitezkeen liburuak, diskoak eta pelikulak gomendatzen dituzte. Euskarazko zein gaztelaniazko liburuak jasotzen dira bertan, adinaren arabera sailkatuta: sei urtera bitarteko haurrak, seitik bederatzira, bederatzitik aurrera, gazteak eta helduak. Horrez gain, hiru disko eta sei pelikula ere gomendatzen ditu.
Biblioporrak irakur gida liburutegian bertan eskuratu daiteke, eta legazpi.eus webgunean ere kontsultatu daiteke.
Udako ordutegia
Uda garaian, bestalde, liburutegiak ordutegi berezia u. eta ekainaren 14an hasi eta abuztuaren 31ra arte, 10:00etatik 14;00etara bitartean egongo da zabalik. Ordutegi horretatik kanpo, kultur etxeko sarreran dagoen kutxan utzi daitezke maileguan eramandako liburu, disko eta pelikulak. Maileguak itzultzeko epea, azkenik, irailera arte luzatuko dute, eta nahi adina dokumentu hartu ahal izango dituzte bazkideek.
