KORONABIRUSA

Gutxiago, baina banatuago

Osasun Sailak 34 kasuren berri eman du gaur, atzo baino 10 gutxiago. Hamabi herritan banatuta daude positibo berriak. Lazkao eremu laranjara pasa da, eta Legazpi, gorrira.

Goierriko Hitza

Goierri

2021/07/28

Gorabehera handiko egunak izaten ari dira, koronabirusaren datuei dagokionean. Atzokoen aldean, koska bat behera egin dute gaur datuek, 10 kasu gutxiagorekin. Guztira, 34 positibo jakinarazi ditu Osasun Sailak, Goierriri dagokionean.

Kasu gutxiago dira, baina herrika aztertuz gero, banatuago daudela esan daiteke. Beasain (6) eta Zumarraga (6) dira gehien dituztenak; haien atzetik daude Urretxu (5), Segura (4), Ordizia (3), Ataun (2), Legazpi (2), Ormaiztegi (2), Ezkio-Itsaso (1), Idiazabal (1), Olaberria (1) eta Zaldibia (1). Hamar herritan ez da kasu berririk agertu.

Eragin tasei dagokionean, gorrian jarraitzen dute Beasainek, Ordiziak, Urretxuk eta Zumarragak. Lazkaon tasak behera egin du, eta eremu laranjara pasa dira. Kontrako bidea egin du Legazpik, eremu laranjatik gorrira pasa baita. Herri txikien artean, hamalau herrik gainditzen dute 400eko muga; hortik behera dauden bakarrak dira Itsasondo eta Zerain.

Iazko martxoan osasun krisia hasi zenetik, Goierrin 8.768 COVID-19 positibo kasu izan dira.

	07/27	DENERA	TASA
Altzaga	0	16	1092,90
Arama	0	24	1960,78
Ataun	2	241 (+2)	686,89
Beasain	6	1.862 (+6)	1405,04
Ezkio eta Itsaso	1	46 (+1)	630,91
Gabiria	0	43	2923,38
Gaintza	0	12	1754,39
Idiazabal	1	207 (+1)	882,35
Itsasondo	0	69	0
Lazkao	0	600	390,63
Legazpi	2	989 (+2)	416,22
Legorreta	0	180	805,37
Mutiloa	0	36	1960,78
Olaberria	1	93 (+1)	1090,51
Ordizia	3	1.535 (+3)	1122,14
Ormaiztegi	2	120 (+2)	705,33
Segura	4	220 (+4)	1043,71
Urretxu	5	736 (+5)	673,60
Zaldibia	1	353 (+1)	844,39
Zegama	0	197	460,22
Zerain	0	18	364,96
Zumarraga	6	1.178 (+6)	712,76
GOIERRI	34	8.768 (+34)