Legazpiko merkataritza eta mikroenpresak laguntzeko 3-K bonuak astelehenetik egongo dira erabilgarri
Kanpainan parte hartzen duten dendetan 20 euro edo gehiago gastatzen duen edozein legazpiarrak 5 euroko beherapena izango du.
Legazpin erostea bultzatu nahi du udalak 3-K bonuekin Astelehenetik egongo dira erabilgarri Legazpiko Udalak herriko merkataritza eta mikroenpresak laguntzeko kaleratutako 3-K deskontu bonuak. Udalak 40.000 euro bideratuko ditu kanpaina honetara, eta 8.000 bonu banatuko ditu parte hartzeko eskatu duten merkatarien eta hamar enplegatu arte dituzten enpresen artean. Horietan gastatzen den 20 euroko, 5 euroko beherapena izango du erosleak. Zenbateko hori udalak ordainduko dio establezimenduari.
Bost euroko deskontua jasotzeko, bezeroak NAN zenbakia eman beharko dio bakarrik dendariari. Faktura bakoitzeko gehienez 10 bonu aplikatu ahal izango dira, hau da, 50 euroko deskontua izango du gehienez. Kanpaina irailaren 27tik abenduaren 31ra artekoa da.
Herrian bertan erosketak egitea eta ekonomia sustatzea da laguntza programa horren helburua, eta merkatariak eta enpresa txikiak laguntzeaz gain, bezeroak ere laguntzen ditu, merkeago erosteko aukera dutelako.
Atxikitako establezimenduak:
- ILE APAINDEGIAK ETA ESTETIKA: Coro Paternain, Natalia, Mª Jesus Gurrutxaga, Tximak, Sorgin Orrazi, Xaloa, Kizkur.
- ARROPA: Eder Lentzeria, Didare, Confecciones Sanchez, Arku, Kuka ‘s, Cristina, Motx eta Ni, Maitia, Laida, Kiska, Ibargutxi Kirolak.
- OINETAKOAK: Anei, Idoia, Urcelay.
- ZERBITZU GRAFIKOAK: Zuzen, Attiko.
- ELIKAGAIAK: Oleta ogi denda, Laubide belar denda, Kabutzia arrandegia, Itziar belar denda, Maite arrandegia, Odriozola arrandegia, Obena harategia, Lanbroa.
- OSASUNA: Ekinhaz, Oskarbi Optika, Aranzazu Optika, Alaian Terapia Zentroa, Kailas, Feli Iñurritegi, Ekian osasungunea, Miriam Zaldua podologoa, Hiru fisioterapia.
- ETXETRESNA ELEKTRIKOAK: Expert Vela, Alkain.
- ERAIKUNTZA: Carlos Villacorta arkitektoa, Guti iturgintza.
- ETXERAKO GAUZAK: Pinturas Santa Cruz, Algar argigintza, Albe burdindegia, Bazar Wang Xu, Ruth Loradenda, Bi burdindegia.
- BESTELAKOAK: Laga Tindategia, Talleres Ondo, Legauto, Ziur Baietz Akademia, Musical Legazpi, B The Travel Brand.
