Plazaolako kirol zirkuitu osasungarria, herritarrengandik hurbilago
Begirale batek gidatuta, legazpiarrek kirol instalazioak ezagutzeko eta probatzeko aukera izan dute goizean zehar. Hurrengo ostiralean ere bertan izango da begiralea, nahi duenari laguntzeko
Pandemia bete-betean instalatu zuten kirol parke osasungarri bat Legazpiko Plazaola kale ondoko berdegune batean. Gorputzeko atal desberdinak lantzeko bederatzi kirol aparatuez osatuta dago parkea. Dohainekoa da, eta herritar guztien eskura dago, baina jende nagusiari dago zuzenduta bereziki.
Gaur goizean, azken kolektibo horri zuzendutako saio berezi bat egin dute bertan, E Goitek enpresako begirale batek gidatuta. Tresna bakoitzaren funtzionamendua, erabilera egokia eta ekar ditzakeen onurak azaltzea izan da helburua.
Hurrengo ostiralean ere beste saio bat egingo dute, 10:30etik 11:30era.
