Bikuña kiroldegia irekita egongo da zubian zehar
Goizeko ordutegia izango du, baita jai egunetan ere. Hurrengo larunbatean, hilak 11, igerileku handia erabiltzaileentzat itxita egongo da, igeriketa jardunaldi bat egitekoa delako. Legazpiko kirol instalazioetan Mugiment txartela erabili daiteke.
Legazpiko Bikuña kiroldegia irekita egongo da zubian zehar, goizeko ordutegiarekin, baita jai egunetan ere. Abenduaren 4an, 5ean, 6an, 7an eta 8an 09:00etatik 14:00etara irekiko ditu ateak.
Betalde, hurrengo larunbatean, hilak 11, igerileku handia itxi egingo dute 15:30etik 19:00etara, kimu mailako bigarren Igeriketa Jardunaldia egiteko. Bitarte horretan igerileku txikia erabili ahal izango da.
Bikuña kiroldegian Mugiment kirol txartel birtuala erabili daiteke. Beraz, programa horretara atxikitako beste udalerrietako kirol instalazioetako abonatuak Legazpikoetara ere joan daitezke.
