Abenduaren 17tik 19ra egingo dituzte euskal liburu eta disko azokak Ataunen, Lazkaon eta Seguran
Aurrez aurrekoak izango dira hiru herrietan, eta %15eko deskontua aplikatuko diete erosleei, produktu guztietan. Aurkezpenak ere egingo dituzte egileek.
Ataungo Aitor Aldasoro, Lazkaoko Joxepa Madariaga eta Segurako Aitziber Lertxund, gaur, hiru herrietako liburu azokak aurkezten./Aimar Maiz Ataunen, Lazkaon eta Seguran abenduaren 17an, 18an eta 19an egingo dituzte liburu azokak. Ataunen berriro ere fisikoki jarriko dute, iaz digitalki eskaini ondoren. Herri Antzokian izango da. Lazkaon eta Seguran, ohiko lekuetan: plazako frontoian lehenean eta Botikaxarra aretoan bigarrenean.
Hiru azoken antolatzaileek gaur aurkeztu dute ekimena, eta elkarlanean dihardutela nabarmendu dute. Lazkaokoa da zaharrena, 33. ekitaldia izango baitu. Ataungo azokak 16. aldia du, eta Segurakoak 15.a. Denetan %15eko deskontua izango dute salgai diren produktu guztiek, herri bakoitzeko udalen ekarpenari esker.
Liburu eta disko aurkezpenak ere izango dira, azokan. Gehien Lazkaon antolatu dituzte, horietatik bi aurreko egunetan (abenduaren 13an eta 14an, Gerriko dendan). Goierritarrei azoketara joateko, eta euskal liburuak, diskoak eta jostailuak erosteko gonbita egin diete, aukera ona egongo dela baliatuta.
Egitarauak
ATAUN
- Ordutegia. Abenduak 17, 18:00-20:00. 18an, 10:00-14:00; 19an, 10:00-14:00.
- Azoka. 16.a.
- Tokia. Herri Antzokia.
- Aurkezpena. Mikel Urdangarin, ‘Simone Beauvoir, norbanakoa eta burujabetza’ liburua. Abenduak 19, igandea, 12:00etan.
LAZKAO
- Ordutegia. Abenduak 17, 16:30-20:00; 18an, 10:00-14:00; 19an, 11:00-14:00.
- Azoka. 33.a.
- Tokia. Plazako frontoian.
- Aurkezpenak.
- Aurretik:
- -Abenduak 13, astelehena. Joanmari Larrarte, ‘Egunkaria, gizarte zibilaren arrakasta’ liburua (19:30, Gerriko dendan).
- -Abenduak 14. Amaia Aierra, Ikaselkar eta Ikastolen Elkartearen ‘Kuku’ emozio programako bildumak (19:30, Gerriko dendan).
- Azokan:
- -Abenduak 17 (19:00-20:00). Irati Garmendia (‘Xomorro lapurra’), Monika Arratibel eta Xabi Etxaniz (‘Laino txiki, egizu negar poliki’), Enara Garmendia (‘Etxetik Ameriketara’), Amaia Telleria (‘Pitzatuta gaude denok’) eta Huntza musika taldea (‘Ezin ezer espero’ diskoa).
- -Abenduak 18 (13:00-14:00). Lierni Azkargorta (‘Eripoemia’), Elordi Garcia (‘Imparable hasta la medula’), Mikel Antza (‘Arroz urez’).
Zerbitzuak. - -Abenduak 18. 12:00etan, Maider Urretabizkaia margolariaren arte eskolako ikasleen ‘Kolore-kolore’ antzerkia. Ondoren, buruhandiak eta erraldoiak. 13:00etan, Lazkaoko Musika Bandaren kontzertua, azoka ixteko.
- Aurretik:
- Enkarguak aurrez hartzeko aukera (inprimakia Gerriko dendan beteta, Whatsappez 644 69 74 36 edo 688 822 871; edo telefonoz 943 88 65 00). Azokan jaso behar dira gero.
SEGURA
- Ordutegia. Abenduak 17, 18:30ean irekiera.
- Azoka. 15.a.
- Tokia. Botikaxarra aretoan.
- Ekitaldiak.
- Abenduak 12, igandea. Ipuin, bertso eta marrazkien lehiaketa sari banaketa (12:00etan). Ondoren, Oihane Saez beasaindarraren kontzertua (13:00).
- Abenduak 17, ostirala. Segurako egutegiko argazki lehiaketako sari banaketa (18:30). Herriko koruaren kantaldia.
