Legorretako eskolan lapurreta egin duen gizon bat atxilotu dute
Astearte gauen ikastetxeko alarmak jo eta Ertzaintza bertaratu zen. Poltsa batzuetan material informatikoa, argazkigintzakoa eta beste gauza batzuk zituen pertsona bat atxilotuta eraman zuten.
Ertzaintzak gizon bat atxilotu zuen atzo Legorretan, Ugaro eskolan lapurtzea egotzita. Antza denez, gaueko hamar eta erdiak aldera, ikastetxeko alarmak jo zuen. Ertzaintzak jaso zuen bertaratzeko abisua eta eskola inguruetan, gizon bat aurkitu zuten ezkutatuta, poltsa batzuk zituela. Ertzainek poltsak miatu zizkioten, eta barruan elementu informatikoak, argazkigintzakoak eta beste objektu batzuk aurkitu zizkioten, momentuan jakin zutenez, eskolakoak guztiak.
Gizona Ertzaintzaren egoitzara eraman zuten polizia-eginbibideak hasteko eta horiek amaitu ondoren Tolosako Guardiako Epaitegiaren eskuetan jartzeko.
