Ikus-entzunezko, liburu aurkezpen eta mendi irteera bana Legorretan
Legorretako Gazte Asanbladak mendiari buruzko hiru ekitaldi antolatu ditu datozen bi asteburuetarako. Gaur, Joseba Iztuetaren ikus-entzunezkoa emango dute.
Joseba Iztueta mendizale gabiriarraren 'Pamir-Distantziak' ikus-entzunezkoa emango dute gaur. Legorretako Gazte Asanbladak Mendiburue izeneko ekimena antolatu du datozen bi asteburuetarako, ikus-entzunezko baten proiekzioa, liburu aurkezpen bat eta mendi irteera bat proposatuz.
Aurrenekoa gaur bertan da. Joseba Iztueta alpinista gabiriarrak Pamir-Distantziak ikus-entzunezkoa proiektatuko du lehenik, eta segidan harekin hitz-aspertua egiteko aukera izango da. Bigarrena gaur zortzi izango da. Maria Francisca Mas Riera idazleak Escalantes. Escalada desde el feminismo. Narrativas y esperiencias liburuaz hitz egin dugu. Bi ekitaldiok gaztetxean dira, biak 18:30ean. Lehena euskaraz da, bigarrena gazteleraz.
Bukatzeko, mendi buelta
Egitaraua ixteko, otsailaren 12an Intxurre mendira (723 metro) irteera antolatu dute. Gaztetxe paretik abiatuko dira, 09:00etan.
