Txalaparta ikastaroa antolatu du Tobera Musika Eskolak
Otsailaren 20a baino lehen eman behar dute izena ikastaroan parte hartu nahi dutenek, tobera@tobera.org helbidera idatzita.
Tobera Musika Eskolak txalaparta ikastaroa antolatu du. Bi urratsetan banatu dute: batetik, hastapeneko 4 saio egingo dituzte otsailaren 24an eta martxoaren 3an, 10ean eta 17an; eta bestetik, txalapartan sakontzeko beste 4 saio izango dira, apirilaren 28an eta maiatzaren 5ean, 12an eta 19an. Bi urratsetan zein bakarrean eman daiteke izena. Urrats bakoitzak 50 euroko prezioa du. Astean behin ordubeteko saioak egingo dituzte, iluntzeetan, 19:15 inguruan hasita. 16 urtetik gorako herritarrei zuzendutako ikastaroa da.
Ez da beharrezkoa musika-ezagutzak izatea. Interesa duten guztiek har dezakete parte. Eskolak Zegaman edo Seguran emango dituzte, ikasleen lehentasunaren arabera, eta datak eta ordutegiak orientagarriak direnez, izen-ematearen arabera zehaztuko dituzte. Izena eman nahi dutenek otsailaren 20a baino lehen egin behar dute, tobera@tobera.org helbidera izen-abizenak, telefono zenbakia eta egin nahi den urratsa bidalita.
