Alpinismoak Goierrin duen presentzia aztergai Legazpin
Xabi Mujika 'Smithy'-k hitzaldia egingo du ostegunean, hilak 3, Kultur Etxean, Burdinola elkarteak gonbidatuta
Burdinola elkarteak gonbidatuta eta Kultur Etxeko erakusketa aretoan ikusgai dagoen Mendian gora, euskal mendizaletasunaren historia erakusketaren osagarri, Xabi Mujika ‘Smithy’ ordiziarrak hitzaldia egingo du ostegunean, Goierri eta alpinismoa gaitzat hartuta. Hitzaldia Kultur Etxeko areto nagusian izango da, 19:00etan, Alpinismoa Goierriko bihotzean izenburuarekin
“Tarteka mendizalea, tarteka eskalatzailea, tarteka dietista eta tarteka erizaina” da Xabi Mujika ordiziarra.
Bestetik, Mendian gora, euskal mendizaletasunaren historia erakusketa hilaren 11ra arte dago ikusgai, astegunetan, 17:30etik 20:30era.
