Idiazabal Gaztaren Kofradiak Albert Fert eta Peter Grünberg omendu ditu
Ordiziara Nanomagnetismo eta Spintronika kongresua ekartzeagatik eskertu ditu horrela kofradiak bi irakasle eta Nobel saridunak.
Idiazabal Gaztaren Kofradiak omenaldia egin diete gaur goizean Albert Fert eta Peter Grünberg irakasle eta Nobel saridunei, Ordizian egin ziren Nanomagnetismo eta Spintronika kongresuetan parte hartzeagatik, eta Ordiziaren alde eta kofradiaren alde beti agertu duten jarrera onagatik.
Omenaldia Ordiziako udaletxeko batzar areto nagusian egin diete, eta ekitaldiaren ondoren, omenduak eta gainerako gonbidatuak Segurara joan dira, herrigunea eta Ondarre gaztandegia bisitatzeko. Goizari amaiera emateko, bazkaltzeko elkartuko dira guztiak Ordiziako Txapel-Gorrin.
