Uztaila, ekitaldiz blai
Legazpiko Udalak aurten ere kalera atera du uztaileko kultur eta aisialdi egitaraua. Astelehenean hasita, uztailaren 31ra arte luzatuko da uda honetako Uztakale. Kirola eta jaiak tartean dira
Azken urteetan, uztailean kalean gauzatu izan da Legazpiko kultur eta aisialdi egitaraua, Uztakale izenarekin. Aurtengo Uztakale martxan da dagoeneko, astelehenean Hortzmuga Teatroa taldeak Azokan eskainitako Jule ikuskizunarekin. Egitarauaren barruan San Ignazio auzoko jaiak sartuta, uztailaren 31ra arte luzatuko da ekitaldi eskaintza.
Ohi bezala, Euskal Herrian eta Legazpin sortzen den «kaleko uzta» proposatzera dator Uztakale. Eta kaleko uzta hori anitza eta ugaria da aurten: ikus-entzunezko emanaldiak, era askotako musika, kale ikuskizunak eta haurrentzako ekintzak. Antzerkiak ere badu bere lekua, baita kirolak eta jaiek ere. Ekitaldi guztiak doan izango dira.
Eusko Jaurlaritzaren Kale Antzerkia Bultzatuz programaren laguntza izan du udalak egitarau hau osatzeko, baita Gipuzkoako Foru Aldundiaren kultura sailarena ere.
Futbol-zazpi eta jaiak
Egitarauan jasota dauden ekitaldiez gain, larunbateko Futbol-Zazpi txapelketako finala, eta jaiak ere izango dira: uztailaren 15, 16, 17 eta 18an Santa Marina jaiak Aztirian, eta uztailaren 29, 30 eta 31n San Ignazio auzoko jaiak.
Uztakale, ekitaldiak
ANTZERKIA
· Matraka Culinary Center. Trakamatraka. Bihar, 19:00, plazan.
· Bakarlariak. Carmen Alcayde, Quique Macias eta Diego Vazquez. Etzi, 22:30, Latxartegin.
· Mesede bat egitearren. Trapu Zaharra Teatroa. Uztailaren 6an, 19:00. Kale Nagusian.
· Zirkus. Malas Compañias taldea. Uztailak 19, Kale Nagusian.
· Akabo. Barsanti Teatroa. Uztailak 20, 19:00, Kale Nagusian.MUSIKA
· Eskusoinu kontzertua: Oñatiko musika eskola. Gaur, 19:30, Agirre-etxeberri parkean.
· Marco Pandolfi Blues Band. Uztailak 13, 19:00, Agirre-etxeberrin.
· Arima du. Arima Soul. Uztailak 21, 19:00, Agirre-etxeberrin.HAURRAK
· Jolasak Sorgintxulorekin eta apar festa. Gaur, 17:30-20:00, Euskal Herria plazan.
· Jolas parkea eta hondarrezko eskulturak. Uztailak 4, plazan.
· Erraldoiak. Uztailak 5, 19:00. Erdigunean.
· Txan Magoa eta apar festa. Uztailak 11, 18:00. Plazan.DANTZA ETA BERTSOAK
· Dantza jaialdi ibiltaria. Sustraiak. 20:00, erdigunean.
· Ez da kasualitatea, bertso musikatuak. LBO. Uztailak 7, 19:00, Agirre-etxeberri parkean.IKUS-ENTZUNEZKOAK
· Ikatzaren emanaldiak. Uztailaren 1ean, 8an, 15ean eta 22an, 22;30, Azokan.
