Ilintxaren 75.urteurren jaia irailaren 9an
Ilintxa taldeak 75.urteurrena ospatuko du irailaren 9an. Bazkaria egingo dute eta ondoren, Puro Relajo taldea izango dute giroa berotzen.
Argazkia: Ilintxa Klubeko familia argazkia. Ilintxa taldeak 75 urte beteko ditu aurtengo denboraldian eta irailaren 9an ospatuko dute hau egun osoko egitarauarekin. Sekulako jaia antolatu dute eta omenaldiak zein musika eskaintza bikainak izango dituzte. Bazkariaz Aguraingo Sarayola catering zerbitzua arduratuko da eta bertaratzeko txartelak Mendi, Gurrutxaga eta Karibe Berri tabernan, Apatxo liburu dendan eta Ogi Berri okindegian daude eskuragarri, Kale Nagusian Ilintxa taldeak jarriko duen postuaz gain. Postu hau abuztuaren 29tik irailaren 1era bitartean arratsaldeko 7etatik 9etara jarriko dute. Hala ere, Whatsapp bidez ere eskura daitezke ondorengo zenbakietan: 663 994 563 (Luis) / 635 702 614 (Agustin) / 617 480 660 (Aitor) / 618 267 396 (Carlos). Bazkariaren ondoren, zenbait omenaldi egingo dira, esker hitzak emanez eta eguna amaitzeko, Puro Relajo taldearen emanaldia izango dute.
