Unai Dominguez motozaleari omenaldia, Lazkaon
Lazkaon Unai Dominguez motozaleari omenaldia antolatu dute gaurko. Goizean motorrean ibilaldia eta herri poteoa egin dituzte. Hernanira joan dira, Troncos motozale elkartearen egoitzara, eta ondoren Lazkaora itzuli dira. Bazkariaren ondoren, 17:00etan, Madrilgo Ignis Animal rock taldeak joko du, 18:00etan Valladolideko motozale batek ikuskizuna egingo du bere motorrarekin, ondoren rock kontzertu bat egongo da eta bukatzeko Dominguezi buruzko ikus-entzunezko bat emango dute. Ekitaldiak Euskal Aker Goiherri Bikers motozale elkarteak antolatu ditu.
Unai Dominguez lazkaotarra 2020ko urtarrilean hil zen, Beasainen izandako moto istripu batean. 33 urte zituen.
