Ekitaldiz beteriko asteburua izango dute txosnagunean Agorreko Santikutzetan
Musika ugari izango da, elektrotxaranga, DJ eta talde askoren emanaldiekin. Larunbatean herri bazkaria ere egingo dute. Legazpiko Txosna Taldeak kudeatuko du txosnagunea.
Alarma Morea taldeak larunbat arratsaldean joko du. Agorreko Santikutzak gaur hasiko dira, eta eliza atzealdean jarritako txosnagunean ekitaldiz beteriko asteburua izango dute, Legazpiko Txosna Taldeak antolatuta.
Gaur bertan hasiko da egitaraua, 18:00etan karropoteoarekin. Gauean, 23:00etan Laiotz Erromeria taldearen saioa izango da, eta ondoren, DJ Ekenen saioa.
Bihar, Joseto ta Alayak elektrotxarangaren emanaldia egingo du, 20:30ean hasita, eta 23:00etan kontzertuak izango dira Iluntzean, Lehia eta No Limits taldeekin.
Larunbatean, herri bazkaria egingo dute 14:30ean (txartelak salgai daude Karibe Zaharra eta Giroa tabernetan), eta 17:00etan mojito dastaketa izango da. 18:00etan Alarma Morea taldeak joko du, eta 23:00etako kontzertuan, Mehatxua eta Skakeo taldeek joko dute.
