Irule elkarteak erakusketa jarri du ikusgai Kultur Etxean
Hilaren amaierara arte egongo da irekita. Elkarteko kideek egindako eskulanak ikusi daitezke. Zabalik dago ikasturte berrirako izen-ematea.
Irule elkartearen erakusketa dago ikusgai Legazpiko Kultur Etxean hilaren amaierara arte. Elkarteo kideek ikastaroetan egindako lanak ikus daitezke bertan, era askotako eskulanak ikus daitezke, batez ere joste eta puntuzko lanak. Erakusketa aretoa astelehenetik ostiralera dago zabalik, 17:30etik 20:30era.
Erakusketa zabalik dagoen bitartean, Iruleren ikasturte berrirako izen-ematea egin daiteke Kultur Etxean. Urrian hasi eta ekainera bitartean hainbat ikastaro emango ditu,Euskaltegiko ganbaran. Eskulanetakoa astearte edo ostegunetan izango da, 15:30etik 18:00etara. Puntu ikastaroa, berriz, asteazkenetan izango da 17:30etik 19:30era. Eta amaitzeko, botoiak jostea, barrenak hartzea edo kremailerak jartzea bezalako josteko lan txikien ikastaroa ere asteazkenetan izango da 14:30etik 16:30era. Hiru ikastaro horien prezioa hileko 30 eurokoa izango da.
