Helduen danborradan parte hartzeko izen-ematea ireki dute
Azaroaren 29an izango da Ander Deunaren jaietako helduen danborrada , 20:00etan. Izen-emate kopurua nahikoa ez bada, ez da danborrada egingo.
Ander Deunaren jaietako helduen danborradan izena emateko epea ireki du Helduen Danborradako antolaketa taldeak. Azaroaren 29an izango da, 20:00etan. Kalez kale ibiliko dira danborrak eta barrilak jotzen. Izen-ematea urriaren 28ra arte egongo da zabalik. Entseguak asteazkenetan eta ostiraletan izango dira: azaroaren 2an, 4an, 9an, 11n, 16an eta 23an, 20:00etan, Karramarron.
Izen-emate kopurua taldea osatzeko nahikoa ez bada, ez da helduen danborradarik izango. Iaz oso jende gutxi joan zen entseguetara eta bertan behera geratu zen.
