Monjardinera irteera egingo du Idiazabalgo Mendi Sailak
11 lagunek eman dute izena. Castillo de Monjardin upategian bisita gidatua eta bazkaria izango dute.
Idiazabal Kirol Elkarteko Mendi Sailak antolatuta, Deio-Monjardingo gaztelura irteera egingo dute izena eman duten 11 lagunek, larunbatean. Herriko plazatik 8:00etan irtengo dira. Villamayor de Monjardin inguruan bi ordu eta erdiko mendi ibilaldia egingo dute. Gaztelua bisitatu ondoren, Castillo de Monjardin upategian bisita gidatua egingo dute, eta bertan dastatze-menua bazkalduko dute. Egun osoko irteera izango da eta iluntzean itzuliko dira.
