Bealakek Behobiara joateko autobusa antolatu du
Izena emateko epea irekita dago. Horretarako, Agirre Kirolak dendara gerturatu eta 8 euroren truke izena emateko aukera izango du nahi duenak.
Beasaingo Bealak atletismo taldeak Behobia-Donostia lasterketara joateko autobusa jarriko du, urtero bezala. Izena emateko epea irekita dago. Horretarako, Agirre Kirolak dendara gerturatu eta 8 euroren truke izena emateko aukera izango du nahi duenak. Aurtengo behin behineko ordutegia hau litzateke: Irteera 08:00etan tren geltokiko biribilgunean; bueltarako, bi autobus: lehendabizikoa, 12:45etan eta bigarrena, azkena iristen denean. Antolatzaileek nabarmendu dute ordutegiak orientagarria dela. Lasterketa egunaren aurretik zehaztuko dute behin betikoa zein den.
