Errugbia ezagutzeko deia zabaldu die neskei Ordizia Rugbyk
Larunbatean, 10:30etik 12:00etara, errugbia ezagutzeko jolasak egingo dituzte Altamiran.
Ordizia Rugbyk ‘Ekarri lagun bat 2022’ egitasmoa zabaldu du. Errugbia ezagutu nahi duten neskei dei egin diete larunbateko entrenamendura gerturatu eta kirolaz gozatzeko. “Neska bazara eta errugbia ezagutzeko irrikitan bazaude, larunbatean Altamirara gerturatzera animatzen zaitugu”, azaldu dute sare sozialetan. Errugbia ezagutzeko jolasak egingo dituzte, 10:30etik 12:00etara, larunbatean, 16 urtetik gorako neskentzat. Bukaeran, indarberritzeko hirugarren denbora ere eskainiko dute.
