2022/11/9

Errugbia ezagutzeko deia zabaldu die neskei Ordizia Rugbyk

Larunbatean, 10:30etik 12:00etara, errugbia ezagutzeko jolasak egingo dituzte Altamiran.

Ormaiztegiko jai-egitaraurako azal lehiaketan Iñaki Zufiria eta Danel Fortoul saritu dituzte

Helduen mailan zazpi egileren hamar lan, eta hiru haurren irudi bana jaso ditu udalak. Marrazkien kalitate maila altua nabarmendu dute epaileek. Azaroaren 18an hasiko diren San Andres festak iragartzeko programaren azala eta kontrazala izango dira saritutako bi lanak.

Hurrengo urteko aurrekontuetarako herritarrek proposatutako inbertsioak aukeratu ditu udalak

Itxaropeneko haur-eskolako parkea berritzea, Plazaolako garajeetarako sarbidea asfaltatzea, ur-zurrusta gune bat eta txakurrentzako parke bat sortzea eta kiroldegiko kantxaren zorua aldatzea jasoko ditu 2023ko aurrekontuetan.

San Martin jaiak bihar hasiko dira Ataunen, igandera arte

Patata-tortilla lehiaketa egin eta afalduko dute lehen jardunaldian. Ostiralean, San Martin eguna, jubilatuen eta kuadrillen egunak dituzte. Zapatua umeentzat da, eta igandean mondeju lehiaketak eta bertsoek ipiniko dute bukaera.

Palestinako emakume errefuxiatuen errealitatea ikusgai dago Barrenan

Ostirala izango da 'Begiratu Palestinara' erakusketa interaktiboa ikusteko azken eguna. Errefuxiatuen errealitatea ikusaraztea eta estereotipoak ezabatzea da helburua

Urretxuko Spielberg

Alberto Fernandez urretxuarrak egindako dinosauroak aurtengo Mineralogia eta Paleontologia asteko protagonista nagusiak izan dira. Kale garbitzailea da eta birziklatutako materialarekin egin ditu.

Legazpiko sozialistek energia komunitateak aldarrikatu dituzte

Beste udalerri batzuekin alderatuta, gai horretan Legazpi "atzean" geratzen ari dela salatu dute.

Gaur dira Buztintegik antolatutako belaunaldien arteko jokoen finalak

Gizarte Zentroan jokatuko dituzte azken partidak, 17:30ean hasita. 253 legazpiar aritu dira lehian, jubilatuen eta pentsionisten elkartearen gonbidapenari erantzunez.

Itsasoko jubilatuen eguna igandean ospatuko dute

Meza ondoren, taldeko argazkia aterako dute Itsasoko plazan. Bazkaria Mandubiako Bentan dute.

HARA!

Alberto Chicote Ordiziako ferian

Espainiar sukaldari eta telebista aurkezle ezaguna Ordiziako azokan dabil perretxikoei buruzko saio bat grabatzen.

Goierriko Hitza
EHUNMILAK 2023

Gaur arratsaldean zabalduko dute Ehunmiletako hiru lasterketetako izen-ematea

Rockthesport webgunean bidez egin beharko da, 17:00etatik aurrera. Hiru lasterketetako arautegi eguneratua ikusgai dago, eta antolatzaileek "ondo irakurtzeko" gomendioa eman dute gaizki ulertzeak saihesteko.

Iñaki Gurrutxaga
Gehiago
HITZAkide HITZAkide

 

ELKARRIZKETAK

ERREPORTAJEAK

KIROLA

Azken bideoak

 

Argitalpen bereziak

Gipuzkoa