Beasaingo Errege Magoen desfilean izena emateko epea ireki dute
Lehen Hezkuntzako 5. eta 6. mailako ikasleei eta batxilergokoei egin die deialdia Atxipi aisialdi taldeak. Izena emateko azken eguna abenduaren 30a izango da.
Atxipi Aisialdi Taldeak Errege Magoen desfilean parte hartzeko izen-emate epea ireki du elkartearen webgunean. Deialdia Lehen Hezkuntza 5. eta 6. mailako ikasleei eta batxilergokoei egin die. Abenduaren 30a da izena emateko azken eguna. Partaide guztiekin bilera egingo dute urtarrilaren 4an, 10:00etan, Igartzan.
