San Benito ikastolako 1. batxilergoko ikasleek astero egingo dute zozketa
Irlandara ikas bidaian joateko diru iturri modura, saskikada bat jaki zotz egingo dute, astero. Aste honetako zenbaki saritua 6432 zenbakia da, eta astelehenera arteko epea du saskia jasotzera azaltzeko
San Benito ikastolaren eraikin bat. Lazkaoko San Benito ikastolako 1. batxilergoko ikasleek hainbat ekimen antolatu dituzte, ikas bidaiarako dirua lortzeko. Irlandara joango dira, otsailean, eta gastuei aurre egiteko zenbait salmenta eta lan egiten ari dira. Tartean, astero jaki-edarien saski bana zozkatuko dute. Euro baten truke, 10 zenbakiko errifa-tirak saltzen ari dira.
Azaroaren 25ean egin zuten lehenbiziko zozketa, eta 4410 atera zen aurrena. Baina inor azaldu ez zenez jarritako epean –astebete–, bigarren aldiz zotz egin eta 6150 zenbakiari egokitu zitzion saria. Jaso zuen haren jabeak.
Bigarren saskiaren zozketa atzo egin zuten, abenduak 5, eta 6432 zenbakia atera da zorteko. Hori duena agertzen ez bada, bigarren aldiz zozkatuko dute, abenduren 12an.
Zozketa guztietako zenbaki saridunak ikastolako sarreretan, webgunean, Lazkaoko informazio-oholetan, GOIERRIKO HITZAn eta sare sozialetan argitaratuko dituzte. Sarituek ikastolara joan behar dute, ,eta 1. mailako batxilergoko tutoreez galdetu.
Eskerrak ere iritsarazi nahi dizkiete ekimenetan laguntza ematen edo errifak erosten ari diren guztiei.
San Benito ikastolaren eraikin bat.
