Santa Lutzi feriaren laburpena bideoan
Goizean izan dira ekitaldi gehienak. Arratsaldean idi probak izango dira. Albiste barruan, Gotzon Aranburuk egindako laburpen bideoa.
Santa Lutzi eguna ez da oraindik amaitu, baina goizean izan dira ekitaldi gehienak eta nagusiak. Gotzon Aranburuk bideo batean bildu ditu hainbat une esanguratsu, eta goizaren laburpena egin du.
Bazkalondoren festarako gogoarekin jarraitzen du jendeak Urretxun eta Zumarragan. Idi probak gustuko dituztenak, 18:00etan hitzordua dute Zumarragako plazan. Asier Izagirre Ipeñarrieta, Egoitz Armaolea eta Iker Zubillaga Igeldo izango dira lehian, idi pare banarekin.
