EGUBERRIAK 2022
Haurrentzako jolas parkeak neguko oporretan
Haurrentzako Eguberrietako haur parkeak antolatu dituzte Goierriko zenbait herritan. Puzgarrietan jolasteko edo bestelako jolas eta jarduerak egiteko aukera izango dute.
Haurrek aisialdi-jarduerak eta jolas parkeak izango dituzte Eguberrietan.
- Beasainen, abenduaren 28an eta 29an, Gernika pasealekuko frontoian jarriko dute haur parkea.
- Idiazabalen, abenduaren 29an eta 30ean puzgarriak izango dira pilotalekuan.
- Lazkaon, abenduaren 27tik 29ra izango da haur parkea, kiroldegian.
- Zaldibian, abenduaren 27an, 28an eta urtarrilaren 3an, 4an eta 5ean haurrentzako jarduerak egingo dituzte Resti frontoian, Kimuenean, Zubi-Buru elkartean edo Herri Antzokian.
- Ordizian, urtarrilaren 2an, 3an eta 4an, pilotalekuan jarriko dute haur parkea, goizez eta arratsaldez.
- Legazpiko zein Urretxu eta Zumarragako Eguberrietako haur parkeak urtarrilaren 2tik 4ra izango dira. Legazpikoa Azokan eta Urbeltz pilotalekuan egingo da, eta Urretxu-Zumarragakoa, Ederrena pilotalekuan.
